စာဖတ်သူများသို့ ...
လွတ်လပ်ရေးနေ့အခါသမယကိုရောက်တိုင်း ကျနော်သတိရတတ်တဲ့အထဲမှာ ကိုခင်မောင်ဖွေးဆိုတဲ့ သူ တယောက်အကြောင်းလဲ ပါပါတယ်။ ကျနော်တို့မိတ်ဆွေ များရဲ့ ၀န်းကျင်မှာလဲ သေချာပေါက် ကိုခင်မောင်ဖွေးတွေ တွေ့မိမြင်မိ ရုံမက မချစ်သော် အောင့်ကာ နမ်းနေရတဲ့ အဖြစ်နဲ့ ပတ်သက်ဆက်နွယ်နေရရင် ဒီလွတ်လပ်ရေး လက်ဆောင်လေး ပေးလိုက်ပါဗျာ။
တခါသားက ခေတ်ပြိုင်အင်တာနက်စာမျက်နှာမှာ ဖော်ပြ ဖူးပါတယ်။ ဒါကို ပြန်တင်ပြခြင်းဖြစ်ပါတယ် လို့ ၀န်ခံပါတယ်။
နှစ်သစ်ကူးအခါသမယမှာ အားလုံး ပျော်ရွှင်ချမ်းမြေ့ ဆန္ဒ မှန်သမျှ ပြည့်ဝကြပါစေ
(စာရေးသူ)

ကိုခင်မောင်ဖွေးသို့ လွတ်လပ်ရေးလက်ဆောင်

၁။
ထိုညက စစ်ကိုင်းကိုဝင်တော့ ညကိုးနာရီဝန်းကျင် လောက်ရှိမည်။ လရောင်နှင့် လျပ်မီးအလင်းတွေ က ဧရာဝတီမြစ်ရေပြင်ကို ရောင်ပြန်ဟပ်စေကာ စစ်ကိုင်းတံတားကြီးဆီ ဘော်ငွေရောင်ပက်ဖြန်းထား သလိုဖြစ်နေလေသည်။ တံတားပေါ်ကားဖြတ်စဉ် သူ့အတွက် ပထမဆုံးသောမြင် ကွင်းမို့ ချမ်းချမ်း စီးစီးကြားက တံတားအောက်မြစ်ရေပြင် ကိုတလှည့် ညရိပ်နှင်းမှုန်တွေကြား မှိုင်းဝေရီစွာမြင်ရသည့် စစ်ကိုင်းတောင်ရိုးနှင့် တဖက်ရှိရွှေကြက်ယက်ရွှေကြက်ကျ ဘုရားစေတီများဆီသို့တခါ အလုအယက် ကြည့်ရသည်။

ရှုမငြီးဘွယ် မြင်ကွင်းများ။ တနေကုန်ခရီးပန်းလာသည့် နွမ်းနယ်စိတ်သည်ပင် မြစ်ပြင်ကိုဖြတ်တိုက် လာသည့် ဆောင်းလေအတွေ့ကြောင့် ခဏချင်းလန်းဆတ်ကြည်မွေ့သွားရသည်။ ဖြစ်နိုင်လျှင်သည် မြင်ကွင်းတွေကို အာရုံရိပ်ထဲ၌ စွဲထင်ခပ်နှိပ် ကျန်ရစ်ချင်သည်။ စစ်ကိုင်းအ၀င် ဘော်ငွေရောင်တံတား ကြီးနှင့် ရာဇ၀င်ထဲက ဧရာဝတီသတို့သမီး။ ဟိုးမှာ ညှို့ရီမှိုင်းပြနေသည့် စစ်ကိုင်းတောင်တော်ရိုး။ လရောင်က နှင်းမှုန်များကြား တိုးဝှေ့ဖြန့်ခင်းကျလာတော့ စိန်စစိန်မှုန် ငွေစ ငွေမှုန်များနှယ် လဲ့ဖြာ ဖိတ်တောက်သည့်ရှုခင်းပန်းချီ။
“ မနက် ၄ နာရီမှာ စစ်ကိုင်းကပြန်ထွက်မယ်၊ ဒါမှ ဟိုဘက်ကို မီမှာ၊ မင်းမနိုးမှာစိုးလို့ ”ခရီးစဉ် ကိုဦးဆောင်လာသူက မန္တလေးမှာ ညစာစားစဉ် သူ့ကို သတိပေးထားနှင့်သည်။ သူက မန္တလေး၊ စစ်ကိုင်း၊ အမရပူရ၊ ဦးပိန်တံတား၊ တောင်သမန်အင်း စသည်စသည်တို့နှင့် စာတွေထဲမှာ ဖတ်ဖူး ရင်းနှီးပြီးကာ နုလုံးသားထဲမှာ ရှိနှင့်နေသည့် ကြားဖူးနားဝနေရာများသို့ ရောက်တုန်းပေါက်တုန်း သွားချင်သည်။ တညတနေ့ မက နေချင်သည်။ ကြည့်ငေးဆွတ်ပျံ့ခံစားချင်သည်။ ဒါပေမဲ့ ဒီခရီး ဒီ လမ်းတွင် သူက ပဓာနဇာတ်ကောင်မဟုတ်၊ ကပ်ပါး။ မရောက်စဖူးမို့ မနည်းတောင်းပန်ခယရင်း လိုက်လာခွင့်ရ သည်ကပင် သူ့အတွက် မဟာကံထူးသူ။ .. ဆိုတော့ သူ့ ဆန္ဒဟူသမျှ အချည်းအနှီး။
စစ်ကိုင်းကိုဝင်တော့ အဝေးဆီက လွင့်စည်ပျံ့ဝဲလာသည့်အသံများ သူသတိထားမိသည်။ ကျပန်း စကား ပြောပွဲလား၊ စကားရည်လုပွဲများလား။ ပရိသတ်ရယ်မော သံကိုပင် အတိုင်းသားကြားနေရ သည်။
အော် လွတ်လပ်ရေးအကြိုညပေကိုးလို့ သူ သတိထားမိသည်။ ရွှေကိုင်းသူရွှေကိုင်းသားများ နောက် နေ့ မနက်တွင်ကျရောက်မည့် လွတ်လပ်ရေးအောင်ပွဲနေ့ကို ဆင်နွှဲနေကြခြင်း ဖြစ်ပေမည်။ သူက တော့လှပသောထိုတညကိုနှင်းမှုန်များနှင့်အတူမအိပ်ရက်ခဲ့။

၂။
လွတ်လပ်ရေးနေ့၊နံနက်၎နာရီ။
စစ်ကိုင်းကပြန်ထွက်။
စစ်ကိုင်းတံတားကို ဖြတ်စဉ် နှင်းတွေသိပ်သည်း ထူထဲလွန်းလှ၍ ညက ရင်ခုန်တိမ်းမူးဖွယ် မြင်ခဲ့ ရသည့် မြင်ကွင်းများကို မမြင်နိုင်တော့။ ပိန်းပိတ်ကာဆီးနေသည့် နှင်းထုက တလောကလုံးကို မင်းမူစိုးမိုးနေပြီ။
ကားက တံတားပေါ်ကိုတရိပ်ရိပ်ဖြတ်မောင်းနေစဉ် တိုးဝှေ့ဝင်လာသည့်အအေးဓာတ်က သူ့ကို မေးတ ဖျောက် ဖျောက်ရိုက်စေသည်။ အေးချမ်းလိုက်သည်ဖြစ်ချင်း။ အမိုး တပ်ပစ်ကပ်ကားတစီး၏ နောက် ခန်းမှာ သူတယောက်ထဲ ခိုက်ခိုက်တုန်နေသည်။ အဝေးမြင်ကွင်းကို လှမ်းမမြင်ရဘဲ ဘော်ငွေရောင် တံတားကြီး၏တံတားဘောင်များကိုသာ ရိပ်ခနဲရိပ်ခနဲမြင်နေရသည်။ တံတားအောက်မှာတော့ သမာ ဓိတည်ထား သောဧရာဝတီသည် လရောင်ဖျဖျတွင် သိမ်မွေ့ညင်သာစွာ စီးမြဲစီးနေလေသည်။ ထိုစဉ် သူ့စိတ်ထဲဝင်လာသည်က ဖက်ဆစ်တော် လှန်ရေးကာလ မြေအောက်တော်လှန်ရေးသမားကြီးတဦး ၏ရုပ်ပုံလွှာတပိုင်းတစ။ စစ်ကိုင်းတံတားပေါ်တွင် တိုင်းပြည်နှင့်လူမျိုးအတွက် အသက်စွန့်လွှတ်ပေး လှူသွားခဲ့သည့် သူရဲကောင်းတဦး။ ဖက်ဆစ်ဂျပန်များကို တတိုင်းပြည်လုံးအနေဖြင့် အချိန်ကိုက်ပြန် လည်တွန်းလှန်ရန် ပြင်ဆင်နေသည့်အချိန်တွင် မြေအောက်တော်လှန်ရေးသမား ကြီးတဦးဖြစ်သူ ရဲဘော်သိန်းတန်သည် ဂျပန်အလိုတော်ရိများ၏သတင်းပေးမှုနှင့် ဖမ်းဆီးညှဉ်းဆဲခံခဲ့ရသည်။ ဂျပန် တွေက သူ့ဆီမှ တော်လှန်ရေးနှင့်စပ်လျဉ်းသည့် သတင်းအချက်အလက်များကို လိုချင်သည်။ ရိုက်နှက်နှိပ်စက်မေးမြန်းစစ်ဆေးသည်။
သံမဏိလိုစိတ်ဓာတ်ခိုင်ကျည်သော မြေအောက်တော်လှန်ရေးသမားကြီးသည် သစ္စာကိုရင်ဝယ်ပိုက် လျက် တေမိထုံးနှလုံးမူခဲ့သည်။ နောက်ဆုံးဖက်ဆစ်တို့က သူ့ကို ဟောဒီ့ စစ်ကိုင်းတံတားကြီးပေါ်တွင် လည်ကိုဓားနှင့်ခုတ်ကာ ချေမှုန်းပစ်ခဲ့သည်။ ဧရာဝတီသည် တော်လှန်ရေးသမားကြီး၏ ချင်းချင်း နီမြန်းသောသွေးနှင့် ရာဇ၀င်ကမ္ပည်းရေးထိုး ခဲ့လေသည်။ သူက သမိုင်းစာမျက်နှာပေါ်က သူရဲ ကောင်းကြီး၏ သစ္စာကိုအောက်မေ့မြင်ယောင်နေမိခြင်းဖြစ်သည်။ သြော်.. သည်လိုအသက်နှင့်လဲ၍ စွန့်လွှတ် အနစ်နာခံကာ သစ္စာစောင့်သိခဲ့ကြသူများ၏ဂုဏ်ကျေးဇူးကြောင့်ပင် လွတ်လပ်ရေးကြီးကို ရခဲ့သည် မဟုတ်တုံလောဟု သူ အလေးအနက် တွေးမိခံစားကြည့်သည်။ ခေတ်တခေတ်၌ ရဲဘော်သိန်းတန်လို မဟာသူရဲ ကောင်းများရှိသလို တဘ၀ပုဂ္ဂလချမ်းသာ အောင်မြင်ရေး၊ ထင်ပေါ် ကျော်ကြားရေးအတွက် ဂျပန်အလိုတော်ရိတွေလို သစ္စာမဲ့သူ တကိုယ်ရေအတ္တသမား၊ အချောင်စား၊ ကိုယ်ကျိုးစီးပွားသမား များကလည်း ခေတ်အဆက်ဆက်တွင် ရှိခဲ့သည်။ ရှိနေသည်။ သို့တိုင် သူရဲကောင်းများကား လွတ်လပ်ရေးကိုသွေးနဲ့ရေး၍ မော်ကွန်းထိုးကာ သစ္စာဖောက်အချောင်သမား အချောင်စားများကား သမိုင်းအမှိုက်ဒိုက်သရောပုံတွေကြား ဒလိမ့်ခေါက်ကွေး မျောလွင့်ပါသွားမည် ဟုသာ သူယုံကြည်နေသည်။
အတွေးအလျဉ်က ဧရာဝတီမြစ်ရေစီးနှင့်အတူ စီးနှင်နေစဲမှာပင် ကားက တုန့်ခနဲရပ်သွားသည်။
အင်းဝဘက်တံတားထိပ်လမ်းမီးများအောက်တွင် လူတွေစုစု စုစုနှင့်မြင်ရသည်။ တံတားဂိတ်တွင် မဏ္ဍပ် သဖွယ်ထိုးထားသည့်နေရာမှလည်း အသံချဲ့စက်ဖြင့်အော် သူက အော်နေသည်။ လွတ်လပ် ရေးနေ့ တာဝေးအပြေး ပြိုင်ပွဲကျင်းပနေ၍ မော်တော်ယာဉ်များအနေဖြင့် လမ်းပေါ်တွင် ပြိုင်ပွဲဝင် နေကြ သူအားကစားသမားများအား ဦးစားပေးကာ ဖြည်းညင်းစွာမောင်းနှင်ရန် သတိပေးမေတ္တာရပ်ခံ နေခြင်းဖြစ်သည်။
ငြိမ့်ခနဲ ကားပြန်ထွက်တော့ သူရဲကောင်းကြီး ရဲဘော်သိန်းတန်၏ပုံရိပ်လွှာကို စိတ်တွင် ပြန်လည်မြင် ယောင်နေမိပြန်လေသည်။

၃။
လမ်းတလျှောက်ထူပြိန်းသိပ်သည်းစွာကျနေသည့် နှင်းထုအမှောင်အောက်တွင် ကားမီးအလင်းတန်း ရှေ့တွင် ပြိုင်ပွဲဝင်နေကြသည့် အားကစားသမားများကို တချို့အတွဲလိုက်၊ တချို့ တဦးချင်း ပြောက် ကျားပြောက်ကျား တွေ့ရသည်။ တနေရာအရောက်မှာတော့ တဖြည်းဖြည်းချင်းလှိမ့် လာနေသော ကားက သိမ့်ခနဲဖြစ်သွားသည်ကို သူသတိ ထားမိ၏။ လူတယောက် ကားပေါ် ခိုတက်လိုက်သလိုမျိုး။
“ ဟလိုး နောင်ကြီး ကားခဏလိုက်စီးပရစေနော် ” အအေး ဓာတ်ခံကြောင့် အသံက တုန်ရင်ရင် အက်ကွဲကွဲ။ အမှတ်တမဲ့ သူ ထိတ်ခနဲလိုလိုတော့ ဖြစ်မိသွားသည်။ နောက်ခန်းမီးမပါတော့ သဲသဲ ကွဲကွဲမမြင်ရ။ထိုလူကဆက်ပြောသည်။
“ ကျနော်အမောဖောက်လာလို့ဗျာ၊ ကားနဲ့ခဏ လိုက်ပရစေ ” ဟု ဆက်ပြောလာသည်။ သူ ဘာမှပြန် မပြောမိ။ အမှောင်ထဲတွင် ထိုလူ့ကို မြင်ရနိုင်သလောက်မြင်နိုင်အောင် မျက်လုံးကိုအစွမ်းကုန် အား စိုက်အားစိုက်ထားသည်။ တအောင့်လောက်အတွင်းမှာပင် ထိုလူ့ကို လုံးလုံးလျားလျား မြင်ရသည် မဟုတ်သော်လည်း ဘောင်းဘီတိုတထည် ၀တ်ထားတာကိုတော့ သူ သတိထားမိသွား သည်။မမှား။
“ ကျနော်တော့ မခံနိုင်တော့ဘူးဗျာ။ အဲဒါ မောတာနဲ့ နောင်ကြီးတို့ကားပေါ်တက်လိုက်တာ ” သူက ခုထိဘာမှပြန်မပြောမိ။ ထိုလူ့ဆီမှ မောဟိုက်သံစွက်နေသည့်စကားလုံးတွေကိုသာ အလိုက်သင့် နား ထောင်နေမိသည်။
“ ကျနော့်နံမယ် ခင်မောင်ဖွေးပါဗျာ။ တောင်မြို့ ရပ်ကွက်(..) ကပါ။ ဟဲဟဲ တမျိုးမထင်ပါနဲ့ဗျာ။ အနှောင့် အယှက်ဖြစ်သွားရင် ခွင့်လွှတ်ပါ ” ထိုလူက မောဟိုက်သံကြီးတွေနှင့် ဆက်ပြောလာတော့ မကောင်းတတ်သဖြင့် သူကလည်း “ သြော် ”ဆိုသည့် အာမေဍိတ်တလုံးခွန်း တုံ့ပြန်လိုက်သည်။ ပြီးတော့ ထို့လူ့ပုံပန်းဟန်ပန်ကိုကြည့်ပြီး သူကောက်ချက် မြန်မြန်ချ လိုက်နိုင်သည်။ တာဝေးပြေးပွဲ ၀င်ရင်း အမောဖောက်လာ သည်နှင့် ဖြည်းဖြည်းချင်းလှိမ့်မောင်းလာနေသည့် သူတို့ ကားပေါ်သို့ တက်လိုက်ခြင်းဖြစ်မည်။ အားမတန်လို့မာန်ချ လိုက်တာမျိုး။ ဆိုတော့ သူ့ဘက်က အထိုက်အ လျောက် အားပေးသင့်ပေးရမည်ဟုနားလည်လိုက်သည်။ “ဖြစ်တတ်တယ် ကိုခင်မောင်ဖွေးရ၊ အသက်မှန်မှန်ပြန်ရှူ၊ ဒါနဲ့ ကြိုပြီးကျင့်မထားဘူးလားဗျ” သူက ခင်မောင်ဖွေးဆိုသူ အားတောင့် အားနာ မဖြစ်စေချင်တာနှင့် ပြန်အားပေးရသည်။ ခင်မောင်ဖွေးဆို သူကတော့ ဟပ်ထိုးလဲကျမတတ် တဟောဟော ဖြစ်နေသည်။ ဒါပေမဲ့ တခုခုပြောဖို့ ကြိုးစားနေပုံရသည်။ သို့သော် တော်တော်နှင့် စကားသံထွက်မလာ။ ခဏနေတော့ အမောပြန်စေ့သွားဟန်ရှိသည်။ သည်တော့မှ ကိုခင်မောင်ဖွေး တယောက် စကားပြန်စနိုင်လာသည်။ စလိုက်ပြန်တော့လည်း စုံနဖာစီ အောင် ဒလစပ်မနားတော့။ ခဏချင်းမှာ သမ္ဗန္ဓပေါင်း စုံသွားသည်။ သူက ဆီစက်သူဌေးသား။ သားကြီးသြရသ။ မန္တလေး တက္ကသိုလ်ဒုတိယနှစ်။ မေဂျာက...။ မိဘများ၏ဖူး ဖူးမှုတ်ထားခြင်းခံရသူ။ တဆွေလုံးတမျိုးလုံးက ခင်မောင် ဖွေးဟုဆိုလျှင် ပင့်ထားမတတ် မြှောက်စားခံရသူ။ ထားတော့။ ခက်တာက သူက အား ကစားသမားမဟုတ်။ အားကစားသမားမဟုတ်သလို အားကစားနှင့်ပတ်သက် သည့် တစုံတရာ အလေ့အကျင့်ကိုလည်း မလုပ်စဖူး။ ဒါပေမဲ့ သူက သူဌေးသားပီပီ သူတို့ဝန်းကျင် သူတို့ မြို့မှာတော့ လူသိများသည်။ ထင်ရှားသည်။ ခင်မောင်ဖွေး မပါလျှင် ဘာပွဲမှမစည်ဘူးဆိုသည့် အစားထဲက။ အပြောကလည်းကျ၊ အပေးအကမ်းလေးကလည်း ထိုက်တင့်သလိုရှိတော့ သူနေရာကရ သည်။ သူ့ကိုယ်သူလည်း ပွဲတိုင်းကျော်အဖြစ် ခံယူသည်။ သူမ၀င်ဆန့်သည့်နေရာ၊ သူ မပေါက်ရောက် သည့်နေရာဟူ၍ မရှိသလောက်ဟု သူယုံသည်။ သူနှင့်အပြိုင် ရွယ်တူတန်းတူတွေအပေါ်မှာတော့ သူက ဗိုလ်မထားချင်သူဖြစ်သည်။ သူ့ရှေ့မှာဘာကိုမှ မထားချင်သူ။ ဘယ်သူ့ကိုမှ သူ့ရှေ့ မရောက် စေချင်သူ။ အင်း အခုလည်း သူတို့မြို့မှာ တာဝေးပြေးပွဲကျင်းပသည် ဆိုတော့ ခင်မောင်ဖွေး တယောက် ဇ,မရှိဘဲနှင့် ၀င်ပြိုင်မိလျက်သား ဖြစ်ခဲ့သည်။ ဒါပေမင့် အားကစားပြိုင်ပွဲဆိုတာ ဖြီးလို့ဖြန်းလို့ ညာလို့ဝါးလို့ ရတာမျိုးမဟုတ်တော့ ဘသားချောခမြာ အခု ကံကောင်းလို့ မောလုံး မဆို့ခဲ့ခြင်းပင်။ စက်သူဌေးသား ခင်မောင်ဖွေးက အပြေးမှာသာ အမောဖောက်ခဲ့ပေမယ့် အပြော မှာတော့ အမောမဖောက်သေး။ သူက စက်သူဌေးသား၏စကားကို နားထောင်သူ သက်သက် သာဖြစ်နေတော့ ဒါကို ခင်မောင်ဖွေးက သတိထားမိလိုက်မိပုံရသည်။ လူရိပ်လူခြေတော့ အကင်းပါး သားကလား။ “ဒါနဲ့ နောင်ကြီးကရော ဘယ်ကလဲ၊ ဘယ်သွားမလဲ၊ အကူအညီလိုရင် ကျနော့်ဆီ ၀င်လာဗျာ။ မန္တလေးမှာ တည်းမယ်ဆိုရင် ၀င်ဖြစ်အောင်ဝင်ဗျာ။ ကျနော်က ခင်မင် တတ်ပါတယ်။ မရောက်ဖူးတဲ့နေရာတွေ ရှိရင်လည်းလိုက်ပို့ပါ့မယ်” တလက်စတည်း ကိုခင်မောင်ဖွေးက သူ့ကိုလိပ် စာတွေ ဘာတွေပေးသည်။ သူ့အိမ်၊ သူတို့၏နာမည်ကြီး ဆီစက်ကို ညွှန်းသည်။ ဆီစက်က သူတို့ တောင်မြို့တွင် နာမည်ကြီး။ သူကလည်း တောင်မြို့တွင် မသိသူမရှိ သလောက်ဟု ဆိုခဲ့ပြီးပြီ။ “နေ အုံးနေအုံး၊ ဟောဟိုမှာ ခိုင်မိုးတို့၊ စောရီးနော် နောင်ကြီး၊ ဒီကောင်တွေ ဒီပဲရောက်သေးတယ်၊ ဟင်း ဟင်းဘာရမလဲကွာ။ ခင်မောင်ဖွေးကိုကျောလို့ ဘယ်တော့ မရဘူး” သူက လမ်းဘေးတဖက် တချက်ကပ်လျက် ပြေးနေသူ တစုကိုကြည့်ပြီး သူ့ကိုကိုယ်ကျုံ့နိုင်သမျှကျုံ့လိုက်ရင်း ပြောခြင်းဖြစ် သည်။ “ဘာလဲဗျာကိုခင်မောင်ဖွေးရယ်” ကားအမိုးအောက် အမှောင်ကိုအားပြုရင်း တယောက်ထဲ ကြုံးဝါးနေတာကိုတွေ့တော့ သူက မေးခွန်း ထုတ်မိလျက်သား ဖြစ်သွားသည်။ တခုခုမရိုးမသား ဖြစ်နေသလားဆိုတာလဲ မယုံသံသယဖြစ်မိသည်။ တစုံတရာလွဲချော်နေပြီလား။ “ ဒီလိုဗျ နောင်ကြီး ရဲ့၊ ကျနော်နဲ့အဲဒီကောင်တွေက ပြိုင်ဘက်တွေ၊ အလကားပါဗျာ။ သူတို့က ကချလာတွေပါ။ မွဲသလားလဲမမေးနဲ့။ အဲဒီကောင်တွေက ကျနော့်ကို နေရာတကာ လိုက်ပြိုင်နေတာဗျ။ ကျောင်းမှာလဲ ကျောင်းမှာမို့၊ ရပ်ကွက်ထဲလဲ ရပ်ကွက်ထဲမို့။ ဘယ်တုန်းကမှမနိုင်ဘဲနဲ့များ၊ အဲအခု ဒီပြေးပွဲကျတော့ မှန်တာပြောရရင် နောင်ကြီးရေ ကျနော်က လေ့ကျင့်မထားတော့ ရှုံးရမယ့် အပေါက် လေ။ ဒါတော့ အဖြစ်မခံနိုင်ဘူး။ ပန်းဝင်ခါနီးလောက်ကျရင် ကျနော်ဆင်းမယ်။ အဲဒါ သူတို့ နိုင်အုံးမှာ တဲ့လား။ …ဟား…ဟား...”
ကိုခင်မောင်ဖွေးက သူ့ဘာသာပြော၊ သူ့ဘာသာ အော်ဟစ်ရယ်မောနေတာကို သူကြောင်စီစီယောင် နနဖြစ်ကာ ကြည့်ငေးနေမိသည်။ အကြံကြီးပေစွပါတကားဟု သူအံ့အားသင့်နေတာလည်း ပါလေ သည်။
တောင်မြို့ဘက်ကိုချဉ်းသီလာတော့ အမှောင်ရိပ်က ဖျော့တော့ဝေရီစပြုလာကာ အလင်းနုသို့ သမ်းစ ပြုပြီ။ ကားပေါ်ပါလာသည့်စက်သူဌေးသားကလည်း ဒါကို သတိထားမိပုံရသည်။ “ဆင်းတော့မှဖြစ် မယ်နောင်ကြီးရေ၊ ဒါနဲ့ခင်ဗျား နံမယ်က ဘယ်သူ။ ..ထားပါဗျာ။ ကျနော့်ဆီသာ ရောက်တဲ့ အခိုက် ၀င်ခဲ့ပါ။ ကျနော် ခင်ဗျားကို လက်ဆောင်ဘာတွေ ပေးလိုက်ချင်တယ်။ အဲဒီနေ့ညနေဘက်များ ခင်ဗျားရောက် လာခဲ့လို့ကတော့ ပွဲတော်ပေါ့ဗျာ။ ကျနော်အောင်ပွဲခံမယ့်ပွဲမှာ ကူညီဖြည့်ဆည်း ပေးတဲ့ လူအနေနဲ့ ခင်ဗျားကို အထူးပြုစုမယ်ဗျို့ဟုတ်လား။ ကဲသွားပြီ” စက်သူဌေးသားက သူ့စကား သူပြော၊ သူ့ဘာသာ အဆုံးသတ်ကာ လင်းလုလုအရုဏ်ကိုအခွင့်ကောင်းယူ၍ ကားပေါ်က ဖျတ်ခနဲ ဆင်းသွားသည်။
ခင်မောင်ဖွေးဆင်းသွားတော့ သူက စစ်ကိုင်း တံတား၏သည်မှာဘက်ထိပ်မှ ခင်မောင်ဖွေးတို့မြို့သို့ ခရီး တာကိုမှန်းဆ ကြည့်ဖြစ်သည်။ ခုနစ်မိုင်သား ရှစ်မိုင်သား လောက်များ ရှိမလား။ ဘာပဲပြောပြော သည်လောက်ခရီး အကွာအဝေးသည်ပင်လျှင် တော်တန်ရုံအားကစားအလေ့ အထုံမရှိပါက မလွယ်။ သာမန်လူတဦးတယောက်အဖို့ သာ၍မလွယ်။ ယှဉ်ပြိုင်သူများဘက်က ကြိုတင်ပြင်ဆင် လေ့ကျင့် ထားခြင်း မရှိပါက ပန်းဝင်နိုင်သည်ထားဦး၊ ဆုတံဆိပ်နှင့်အောင်ပွဲကတော့ လွယ်လွယ်နှင့်ရ နိုင်မည် မဟုတ်ဟုသူထင်သည်။
သို့ဆိုလျှင်သူ့မိတ်ဆွေကြီးကိုခင်မောင်ဖွေးအတွက်ဆိုလျှင်ကော....။

၎။
ထိုနေ့က လွတ်လပ်ရေးနေ့ဖြစ်သည်။ တိုက်ဆိုင်စွာပင် သူသည် စစ်ကိုင်းမြို့တံတားကြီးကို ဘ၀တွင် ပထမဆုံးအကြိမ်အဖြစ် ဖြတ်သန်းခဲ့ရပါသည်။ မှတ်မှတ်ရရပင် ထိုနေ့၏အရုဏ်မတိုင်မီ သတိရခြင်း တွင် ဖတ်ခဲ့ဖူးသောသမိုင်းစာမျက်နှာထဲက ဂုဏ်ရောင်ပြောင်စွာကျဆုံးသွားခဲ့သည့် အာဇာနည် ရဲဘော်ကြီးသိန်းတန်၏စွန့်လွှတ်အနစ်နာခံမှုကိုစိတ်နှင့်အလေးအမြတ်ပြုဖြစ်ပါသည်။
တိုက်ဆိုင်စွာပင် ထိုနေ့က မန္တလေးမြို့ အမရပူရက စက်သူဌေးသားလေး ကိုခင်မောင်ဖွေးဆိုသူ ကြေးရတတ် လူငယ်တဦးနှင့်လည်း ဆုံစည်းခဲ့ရပါသည်။ တိုက်ဆိုင်စွာပင် ထိုနေ့က သူတို့စီး နှင်လာ သည့် ကားသည် တောင်မြို့ရှိ ပြည်သူ့အားကစားကွင်းဘက်သို့ ဖြတ်သန်းခဲ့ရပါသည်။ ထို့ထက် တိုက်ဆိုင်သည်မှာ ကိုခင်မောင်ဖွေးတို့ပန်းဝင်ကြရမည့် သခင်ဖိုးလှကြီးအားကစား ကွင်းဖြစ်နေပါ သည်။ ဖြစ်ချင် တော့ အားပေးနေကြသည့် ပရိသတ်များစည်ကားလွန်းနေသည်မို့ ကားလမ်းကိုခေတ္တ ပိတ်ထားခဲ့ပါသည်။ သူတို့လည်းကားပေါ်မှဆင်းကာ အနီးအနားက လက်ဖက်ရည်ဆိုင်တဆိုင်တွင် မန္တလေးထပ် တရာမုန့်နှင့် မနက်ခင်းဝမ်းမီးတောက်ကို ပြေငြိမ်းစေကြပါသည်။ စင်စစ် သည်တွင် ကိုခင်မောင်ဖွေး နှင့်သူ၏အမှတ် မထင်ဆုံစည်းမှုလေးသည် ပြည်ဖုံးကား ချနိုင်ပါပြီ။ ကံအလှည့်သင့်၍ သူ့အနေဖြင့် မန္တလေးရွှေမြို့တော်ကြီးသို့ နောက်တကြိမ် တခေါက်တကျင်း ရောက်လာနိုင်မည်ဆိုငြား အံ့။ စက်သူဌေးသားလေး ကိုခင်မောင်ဖွေး၏ ဖော်ရွှေပျူငှာစွာဖိတ်ခေါ်မှုက အရန်သင့်ရှိပြီးသားမို့ စိတ်ကူး ယဉ်စရာ ကောင်းလှပါသည်။ ကိုခင်မောင်ဖွေးအဆိုအရ အောင်ပွဲတခုရရှိရန်အတွက် သူက ဖြည့်ဆည်း ပေးခဲ့ဖူးသူမဟုတ်လား။ ထိုအရာကိုကိုခင်မောင်ဖွေးတယောက်မမေ့တန်ရာ။ ထိုစဉ် သခင်ဖိုးလှကြီးအားကစားကွင်းထဲမှ အသံချဲ့စက်က စစ်ကိုင်းတံတားထိပ်မှ တာဝေးပြေး ပွဲပြိုင်ပွဲဝင်ခဲ့ သူများပန်းဝင်ရန် နီးလာပြီဖြစ်ကြောင်း ကြေညာနေပါပြီ။ ပန်းဝင်ခါနီးအချိ်န်အထိ ရှေ့ဆုံး မှဦးဆောင် လာသူမှာ မည်သူမည်ဝါဖြစ်ကြောင်းလည်း သူအမှတ်တမဲ့ ကြားလိုက်မိပါသည်။ “အားပါး ... မောင်ခင်မောင်ဖွေးဆိုပါလား”
သူ မင်တက်သလိုဖြစ်သွားသည်။ တကယ်ပဲ ခင်မောင်ဖွေး တယောက် ပထမနေရာမှာ ပန်းဝင်နိုင် တော့မှာလား။
သူတို့နှစ်ဦးအပြင် ဘယ်သူတဦးတယောက်မှမသိခဲ့သော အဖြစ်သနစ်တခုသည် အမှန်တရားတခု အဖြစ် အများကလက်ခံလိုက်ကြတော့မှာလား။ သူများများတွေး မနေတော့။ လွယ်အိပ်ထဲမှာ အသင့် ပါလာသည့် စာအုပ်တအုပ် ကိုထုတ်ကာ သူပေးစာနှစ်စောင်ရေးလိုက်ပါသည်။ တစောင်က အားက စားပြိုင်ပွဲကျင်းပသည့်ကော်မတီထံ။ နောက်တစောင်က အားကစားကော်မတီမှတဆင့် စက်သူဌေး သား လေးကို ခင်မောင်ဖွေးထံ။

ကိုခင်မောင်ဖွေးရေ
ဒီနေ့ လွတ်လပ်ရေးနေ့ဗျာ။ ခင်ဗျားကို လွတ်လပ် ရေးလက်ဆောင်အဖြစ် ကျနော် ဒီစာလေးကို ပေးခဲ့ပါတယ်။ ထိုက်တန်စွာ ကြိုးပမ်းခဲ့သူတွေအတွက် ခင်ဗျားတို့ ကျနော်တို့ သစ္စာရှိကြရအောင်။ အောင်ပွဲ ရလိုသူရဲ့ စိတ်ဓာတ်မှာ ထိုက်တန်တဲ့ရင်းနှီးပေးဆပ်မှု ရှိကြရမြဲပါ။ ခင်ဗျားတို့ ကျနော်တို့ ဘ၀မှာ စစ်မှန်တဲ့အောင်ပွဲများနဲ့ တချိန်ချိန်မှာ ပြန်လည်ဆုံစည်းကြပါရစေ။ လွတ်လပ်ရေး နံနက်ခင်း တခုက
ခင်ဗျားရဲ့တင်္ဒဂမိတ်ဆွေ

ခင်လွန်း